Wednesday, 19 March 2014

ಭಾವ


ಈ ದೇಶ ಬಲು ಚೆನ್ನ
ಎಲ್ಲೆಲ್ಲು ಸೊಬಗು ಬೆಡಗು ಬಿನ್ನಾಣ
ಕಲೆಗಾರ ಕಣ್ಣನ್ನೇ ಚೌಕಟ್ಟಾಗಿಸಿ
ಚಿತ್ರ ರಚಿಸಿದ ಹಾಗೆ

ವಸಂತದಲಿ ಎಲ್ಲೆಲ್ಲು ಬಣ್ಣದ ಓಕುಳಿ
ಮರಗಳ ತುಂಬೆಲ್ಲ ಕೆಂಪು ನೀಲಿ ಗುಲಾಬಿ ಹೂಗಳು
ನೆಲವೆಲ್ಲ ಹಸಿರು  ಹೊಳೆವ ಝರಿ ನೀರು

ಶಿಶಿರದಲಿ ನೆಲ ಬಾನು
ಮತ್ತು  ಅದರ ನಡುವಿನದೆಲ್ಲ   ಬಿಳಿ ಬಿಳಿ
ಅಲ್ಲಲ್ಲಿ ಕಪ್ಪಗೆ ಹಿಮತೆರೆದ ರಸ್ತೆಗಳು
ಖಾಲಿ ಹಾಳೆಯ ಮೇಲೆ
ಸಣ್ಣ ಹುಡುಗಿ ಪೆನ್ಸಿಲ್ಲು ಹಿಡಿದು
ಒಂದೆರೆಡು  ಗೆರೆ ಎಳೆದಂತೆ

ಕಾಲವೂ  ಇಲ್ಲಿ ಹಿಮಗಟ್ಟಿದೆ..

wordsworth ನ ಹಳದಿ ಹೂಗಳು ಇನ್ನೂ  ತಲೆದೂಗುತ್ತಿವೆ
ಕೀಟ್ಸ್ ನ ನೈಟಿಂಗೇಲ್ ಈಗಲು  ಹಾಡುತ್ತಿದೆ
ಶೆಲ್ಲಿಯ ozymandias ನಿಂತಿದ್ದಾನೆ ಮ್ಯೂಸಿಯಮ್ಮಿನಲಿ

ನೂರಿನ್ನೂರು ವರ್ಷದ ಕಟ್ಟಡಗಳೆಲ್ಲಾ ಸ್ಮಾರಕಗಳು!
ಕಾಯುವರದನು ಟೊಂಕಕಟ್ಟಿ ಯೋಧರಂತೆ
ನೆಲ ಜಲ ಭಾಷೆ ಭಾವದ ಮೇಲೆ
ಇವರಿಗೆ ಎಲ್ಲಿಲ್ಲದಭಿಮಾನ

ಭಾವದ ಮೇಲೆ ?!
ಹೌದು ..

ಬಸ್ಸಿನಲ್ಲಿ "ಆ ಆ ...ಆಕ್ಷಿ "  ಎಂದರೆ...
ಘೋರಾಪರಾಧ  ಮಾಡಿದವನ ಹಾಗೆ ಮುಖ ಮಾಡಿ
"ದಯವಿಟ್ಟು ಕ್ಷಮಿಸಿ" ಎನ್ನುವ ಶಾಲೆಯ ಹುಡುಗ

ತಾಸುಗಟ್ಟಲೆ ಅಂಗಡಿಯೆಲ್ಲ ಜಾಲಾಡಿ
ಸುಮ್ಮನೆ ತಲೆ ತಿಂದು
ಏನು ಕೊಳ್ಳದೆ ಹೊರನಡೆದರೂ
ಬೇಸರಿಸದೆ ನಗುತ "ಧನ್ಯವಾದಗಳು ಮತ್ತೆ ಬನ್ನಿ"                        
ಎನ್ನುವ ಅಂಗಡಿಯಾತ

ಫುಟ್ ಪಾತಿನಲಿ ದಾದಿಯ ಕೈಹಿಡಿದು
ನಡೆಯುವ ಪುಟ್ಟ  ಮಗು....
 ತಟ್ಟನೆ ರಸ್ತೆಗೆ ಓಡಿದರೆ
ಮಾರುದೂರದಲಿ ಸಾಲಾಗಿ
             ಸದ್ದಿಲ್ಲದೇ ನಿಲ್ಲುವ ಕಾರುಗಳು

ತಕ್ಷಣ ಓಡಿ ಮಗುವನು ತಬ್ಬಿ
ಬದಿಗೆ ಸಾಗಿದ ದಾದಿ
ಮುದ್ದಾಡುವಳು ಮಗುವನ್ನು
" ನನ್ನ ಚಿನ್ನ ರನ್ನ ಮುದ್ದುಮಣಿಯೆ
      ನೀ ನನ್ನ ಸಕ್ಕರೆಯ ಗೊಂಬೆ
            ಹೊಳೆವ ಕೆಂಪು ಸೇಬು
                     ನನ್ನ ಕಣ್ಣಿನ ಮಿಂಚು ......"  

ಆದರೆ......
ದಾದಿಯ ಮನದೊಳಗಿನ ಮನಕ್ಕೆ ಗೊತ್ತು
ಸತ್ಯ
.
.
"ಇದು ನನ್ನದಲ್ಲ"







1 comment:

shrivatsa gkn said...

Desha hagu mannasina prakruthi ayannu chitrisuva....kavana...

Nannadu yembudu Swartha... nanadannu preetisuvudu karthavya...nannadalladannu preethisuva aah daadi ya mannasina hage nammellara manasu Niswartha waga beku yemba sandesha vannu saruva kavithe...

nana nalmeya kaviyathri....again a master peice :) good one